DORE AMAKURU Y’IBANZE AKOMEJE KUVUGWA CYANE MURI FC BARCELONA MBERE Y’UMUKINO IYI KIPE IFITANYE NA CHELSEA

K’umugoroba wo kuri uyu wakabiri, ikipe ya FC Barcelona yo mugihugu cya Espagne iraza kuba yasuye ikipe ya Chelsea yo mugihugu cy’ubwongereza,ni m’umukino ukomeye cyane wa 1/8 cy’irangiza mu irushanwa rya UEFA Champions League, irushanwa rihuza amakipe yabaye ayambere iwayo k’umugabane w’iburayi rizwi nka UEFA Champions League.

Ikipe ya FC Barcelona imaze igihe iri mubihe byiza aho kugeza ubu muri uyu mwaka w’imikino imaze gutsindwa umukino umwe gusa mumarushanwa yose imaze kwitabira.

Lionel Messi na bagenzi be bifuza cyane gutwara igikombe cya UEFA Champions League dore ko shampiyona yo bisa n’aho bamaze kuyegukana kubera ikinyuranyo cy’amanota bamaze gushyiramo hagati yabo n’amakipe abakurikiye, baraza kuba bashakisha uburyo batahukana amanota atatu bayakuye mumujyi wa London.

Dore muri rusange amakuru avugwa muri iyi kipe mbere y’uyu mukino:

Abakinnyi baza kwifashishwa: Umutoza Ernesto Varverde utoza FC Barcelona araza kwifashisha abakinnyi barimo Ter Stegen, Cillessen, Pique, Alba, Digne, Vidal, Umtiti, Mina, Vermaelen, Rakitic, Busquets, D. Suarez, Iniesta, Paulinho, Sergi Roberto, Andre Gomes, Luis Surez, Messi, Dembele, Alcacer.

Abakinnyi batemerewe gukina uyu mukino: Nelson Semedo ntabwo yemerewe gukina uyu mukino mugihe mugenzi we witwa Philippe Coutinho nawe atemerewe gukinira FC Barcelona muri UEFA Champions Leage kubera ko yakiniye ikipe ya Liverpool muri iri rushanwa.

Uyu musore ukomoka mugihugu cya Brazil akaba ataza kugaragara kuri uyu mukino uza kubera mumujyi wa London kukibuga cya Chelsea cyitwa Stamford Bridge, ndetse no muyinddi mikino yose ikipe ya FC Barcelona izakina muri uyu mwaka w’imikino mu irushanwa rya UEFA Champions League.

Abakinnyi bashobora kubanza mukibuga: umutoza Ernesto Varverde usigaye apanga ikipe mukibuga m’uburyo bwa 4-4-2, yitezweho kubanza Ter Stegen; Sergi Roberto, Pique, Umtiti, Alba; Paulinho, Rakitic, Busquets, Iniesta; Suarez, Messi.

Gusa uyu mutoza akaba ashobora gukinisha Ousmane Dembele mumwanya wa Paulinho cyangwa Ivan Rakitic basanzwe bakina hagati mukibuga.