Bruce melodie yatangaje ko yiteguye gutwara igikombe cya PGGSS 8

Itahiwacu Bruce wamamaye nka Bruce Melody ni umwe mu bahanzi icumi bari guhatana mu irushanwa rya Primus Guma Guma Super Star igiye kuba ku nshuro yayo ya munani. Uyu muhanzi ugiye kwitabira iri rushanwa inshuro ya 5 ikaba iya kane nk’umuhanzi uhatana ngo ntagiye gutembera ahubwo agiye mu irushanwa kuritwara.

Bruce Melody yinjiye mu irushanwa mu mwaka wa 2012 ubwo yafashaga abahanzi ku rubyiniro icyakora ntibyagoranye cyane ko muri 2014 yahise yinjira mu irushanwa nk’umuhanzi noneho uhatanira igikombe. Muri 2014 igihembo cya Primus Guma Guma Super Star ku nshuro yayo ya kane cyegukanywe na Jay Polly maze Bruce Melody aba uwa gatatu. Umwaka wakurikiyeho Bruce Melody wari mu bahanzi bakunzwe yaje kongera kwitabira iri rushanwa ryegukanywe na Butera Knowless maze Bruce Melody aba uwa kabiri. Muri 2016 uyu musore yaje kongera kwitabira iri rushanwa aho ryegukanywe na Urban Boys icyakora bikarangira Bruce Melody abaye uwa gatatu.

SOMA INKURU  IRAMBUYE HANO